चित्रपसृष्टीतील मोठी घटना! शूटिंग दरम्यान अभिनेत्री नदीत पडली अन्

आसाम | बॉलीवूड अभिनेत्री कंगना रानौतने अलीकडेच तिच्या टीमसोबत इंस्टाग्रामवर अनेक छायाचित्रे शेअर केली आहेत कारण ते ‘इमर्जन्सी’ चित्रपटाच्या शूटिंगसाठी योग्य जागा शोधण्यासाठी नदी आणि लगतच्या परिसरात फिरत होती.

एका चित्रात कंगना खडकाला धरून नदीत पडली:
‘ माणिकर्णिका’ फेम अभिनेत्रीने लिहिले की, “जेव्हा तुम्ही अतिउत्साहीत असता तेव्हा असे होते”. तिने दुसर्‍या चित्रात तिच्या टीमच्या सदस्यांना “सैनिक” असे कॅप्शन दिलेय .

नदीजवळ शूटिंग करताना कंगनाने ऑलिव्ह ग्रीन जॅकेट आणि फुल पँट घातली होती. ती एका खडकावर बसलेली दिसते. कारण ती तिच्या टीमच्या सदस्यांसह काही अंतरावरून लोकेशन हंटिंग करताना पाहतेय. इतर चित्रांमध्ये ती लाल ट्रॅक सूट तसेच ती लगतच्या हिरव्यागार भागात दिसतेय.

कंगनाने म्हटले आहे की तिला राजकारणात येण्याची गरज असली तरीही तिला हिमाचल प्रदेशातील लोकांची सेवा करायची आहे. मनाली येथील रहिवासी असलेल्या या अभिनेत्रिनं सांगितले की, तिला तिच्या मूळ राज्यातील लोकांच्या भल्यासाठी काम करण्याची संधी मिळाली तर ती तिच्यासाठी अभिमानाची गोष्ट असेल.

“परिस्थिती कशीही असली तरीही जर सरकारला माझा सहभाग हवा असेल तर मी या सहभागासाठी तयार आहे. हिमाचल प्रदेशच्या लोकांनी मला त्यांची सेवा करण्याची संधी दिली तर हा माझा सन्मान असेल. त्यामुळे निश्चितच हे माझे नशीब असेल,अस 35 वर्षीय कंगना म्हणाली. या महिन्याच्या सुरुवातीला कंगनाने सांगितले होते की, तिच्या चित्रपट कारकिर्दीवर लक्ष केंद्रित करत असल्याने राजकारणात प्रवेश करण्याची तिला कोणतीही गरज नाही.

इमर्जन्सी चित्रपटाच दिग्दर्शन करणार कंगना :
कंगना राणौत इमर्जन्सी हा चित्रपट दिग्दर्शित करत आहे. या चित्रपटात ती माजी पंतप्रधान इंदिरा गांधी यांची भूमिका साकारत असून हा चित्रपट त्यांच्या जीवनावर आधारित आहे. महिमा चौधरी, अनुपम खेर, श्रेयस तळपदे आणि सतीश कौशिक इमर्जन्सीमध्ये दिसणार आहेत. कंगनाच्या आगामी प्रोजेक्ट्सबद्दल बोलायचे झाले तर, ती सर्वेश मेवाडच्या तेजस चित्रपटातही आहे आणि भारतीय वायुसेनेच्या पायलटची भूमिका साकारत आहे.